Ebaruha erikwetoroora - Okw`ikumi n`ebiri 1997

“Yesu Kristo, Niwe Omwe nyumwabazyo, kandi n`erizooba, kandi n`ebiro byona.” (Abaheburaayo 13:8)

Ebaruha erikwetoroora - Okw`ikumi n`ebiri 1997

Endamutsyo ez`omutaano ahari imw mweena omu nsi yoona omu iziina rya Yesu Kristo n`ekyahandiikirwe eki ekiri kworeka amatsiko hamwe n`okwenda kw`abaikiriza boona aba mazima:

“Kandi nitubagambira eki, tukigambiirwe MUKAMA waitu, ngu itwe abahurire abarishangwa bakiriho aha kiro ky`okwija kwa MUKAMA, tituribandiza abo abaagwejegyeire. Ahakuba MUKAMA aryeimukira ashuume naaruga omu iguru agambe munonga n`eiraka rya maraika omukuru n`enzamba ya Ruhanga; kandi abaafeeereire omuri Kristo nibo baribanza kuzooka; bwanyima naitwe abahuriire abariba bakiriho turyatwarwa nabo omu bicu kubugana MUKAMA waitu omu kaabunga; tutyo tugume na MUKAMA ebiro byona. N`ahabw`ekyo muhuumurizane n`ebigambo ebyo.” (1 Abatesalinika 4:15-18).

Okutebereza okwakozirwe emyaka enkumi ibiri enyima tikwakiriira ga haihi n`okuhikiriira nk`oku kiri hati. Eki ekyafaayo eki eky`amaani nikiija kubaho gye omu muriingi kandi omu buteeka nk`oku kyahandiikirwe. Envunuura ahari kyo tizirikweteengwa n`akakye. MUKAMA owaazokire owatwiirwe omu iguru omu buntu omu maisho g`abeegi (Luka 24:50-51) naija kugaruka omu muriingo nigwo gumwe (Ebyakozirwe 1:11), kandi abo abakwikiriza kutebekanisibwa nibaija kuhindurwa, nk`oku Yahamiibwe (Matayo 17:2), kandi bakatunga obutahwaho bwabo (1 Abakorisno 15:49-54) nk`oku yaakikozire omu kuzooka. Batyo bwanyima nibiija kuba ngu Ari, “… kwonka nitumanya, ngu ku arishuuruurwa, turyashushana nawe, ahabw`okuba turyareeba nk`oku ari.” (1 Yohaana 3:1-2). 

Tihariho nyegyesa eri kworekwa nk`okushuuruurirwa eribaasa kwiija, kureka We wenyine niwe aryeizira. Kishwera aryatwaara omugore we aha bugyenyi bw`okutaasya. Aryaija kutwaarwa omu aha iguru, abugane na MUKAMA omu mwanya kandi agume nawe ebiro n`ebiro (1 Abatesalonika 4). Ekibuuzo nikiguma kiri yaaba buri omwe omuri itwe ayetebekanise gye (Matayo 25:1-10) kandi ari owa omugore w`omwana gw`entaama kwejumbira omhu bugyenyi bw`okushwera (Okushuuruurirwa 19:7-10).

Okuhamisiriza tikuri aha ahari eki kyafaayo ekikuru akyahikire haihi kureka aha ahari ekyo kyonyine, “ahabw`eki nitubagambira omu kigambo kya MUKAMA…” N`ahabw`ekyo enshonga yoona n`enyegyesa eyegamiire ebyahandiikirwe ebiri kweera. Omu nimwo obuhamizo buri. Naangwa, ebintu byona ebiri kukwata aha ntebekanisa y`okujuna eri kubaho nk`oku yagambirwe omu kigambo kya Ruhanga.

Ahabw`Ekigambo kya MUKAMA Petero akaba akira kugamba omu matebezo ge ag`okubanza aha kikwatireine n`okushukwaho kw`Omwoyo Orikwera, “Eki nikyo ekyo ekyagambirwe kurabira omuri nabi Yoeli…” (Ebyakozirwe 2:1b). Ahabw`Ekigambo kya MUKAMA kaba agamba omu itebezo rye eryakabiri, ngu ebyo byona ebintu, ebi Ruhanga omu kubanza yaayorekire n`akanwa k`abaanabi be, biine kuhikiriira (Ebyakozirwe 3:18). Omu kakwaate ako okureeba hare omu maisho, akagamba aha kwteisa kandi okwa … obunaku bw`okwegarura butsya omuriija omu maisho ga MUKAMA; kandi Aryayohereza Yesu Kristo, ou omu kubaanza yaababuriirweho… (enyiriri 19-20). Aho bwanyima akagamba Ekigambo eki ekyiine eki kirikumanyisa ahari abo boona abategyerize okugaruka kwa Yesu Kristo, “ou eiguru rishemereire kwakiira, okuhitsya obunaku bw`okugaruramu ebintu byona obusya, obu Ruhanga yaabaire agambira omu kanwa ka baanabi be abarikwera abaabaire bariho okuruga aha kuhangwa kw`ensi.” (orunyiriri ra 21).

Ekihandiiko eky`ebyahandiikirwe tweena nikituwataho. N`ekiragiro ky`obwa Ruhanga. Okugaruka kwa Yesu Kristo kutakabiireho ebintu byona bishemereire kugarurwa butsya omu buteeka bwabyo obwabaandize. Ekanisa y`omugore eshemereire kugarurwayo aha musiingye gw`entumwa hamwe n`abaanabi ahu We wenyine ari eibare erikuru ery`obuhamizo (Abaefeso 2:20-22) kandi, naangwa, eibaare ery`aha mutwe (Zek. 4:7). Gashemereire kuba amazima ngu enyegyesa hamwe n`amagara gaabo boona ab`ekanisa ya Ruhanga ohuriire nibikiriirizana n`ekigambo, buri omwe omu magara age ag`obutoosha, omu bushweere, omu magara g`omumaka nanga n`omu magara g`ekanisa yoona. Abantu ba Ruhanga bashemereire kuba omwe omu Kigambo kya Ruhanga. Entumwa Yakobo akagamba aha kwiija kwa MUKAMA. Hona nabwe akahandiika n`aha njura ey`eibiba hamwe n`eyigyesha eshemereire kwiija okusharuura kutakabiireho (eshuura ya 5). Nabi Yoeli akakiraguraho kandi naangwa n`okugarurwa butsya (Eshuura 2:23-27).

Ekigambo eky`obunabi ekya MUKAMA tikiri kwiija aha muriisa nari aha mubirizi w`engiri, nibakibuuriraho. Bwanyima y`okukwatanisa kw`obwa Ruhanga Ekigambo kya MUKAMA nikiija hari nabi – omuhereza hamwe n`entumwa (baefeso 3:5) – naangwa n`omu ndagaano enstya nk`oku kyaragwiirwe MUKAMA Yesu Kristo, “N`ahabw`ekyo niinyija kubatumaho baanabi n`abanyabwengye n`abahandiiki; abamwe aharibo muryabaita, abandi muryababamba…” (Matayo 23:24). Bwanyima y`okuragura oku kw`amaani eki abo abatumirwe We nibiija kubonabonesibwa, MUKAMA waitu omu kushaaaha kw`amaani akagira, “Yerusaalemu, Yerusaalemu, iota baanabi, okateera abarikukutumwaho amabaare!” (orunyiriri rwa 37). Ruhanga atererize omu kanisa Ye entumwa, baanabi, abashomesa, n`abandi n`abandi. (1 Abakorinso 12:28; Abaefeso 4:11). Kwonka buri obunabi bwa Bibuli ku burikuhikiriira nabaasa kuba nabi owaraganisiibwe ou Ekigambo kishuuruurirwe. Ruhanga naakora bwanyima ya nabi owatiirweho ensi etakabiireho okwimuka nk`oku entebekanisa y`okujuna. Ba nabi abamazima bonka biine OKWO NIKWO MUKAMA ARIKUGIRA. Abandi biine envunuura zabo.

Ahabw`Ekigambo kya MUKAMA Yohaana Omubatiza akaba agira, “Ndi eiraka ery`orukugambira omu ihamba…“ (Yohaana 1:23), n`ahabw`ekyo Omwoyo Arikwera agambire n`akanwa ka nabi Isaaya (40:3). Omuri Matayo 11:9-10 MUKAMA waitu akahamya obuhereza bw`anabi owaraganisiibwe. AKATANDIKA n`ekibuuzo, “Beitu mukatwarwayo ki? Okureeba nabi? Eego, nimbagambira nti: Buzima naakiriria kimwe nabi…” tikiri “kukira mushaija”, kwonka kukira baanabi abarangiriire ekyafaayo eki eky`amaani.

Boona ba nabi ab`endagaano enkuru bakaba biine ekintu kimwe ekiri kubagaita: Bakaragura aha kwiija kwa Masiya. Entaaniso eri omu nshonga ngu Yohaana akaba ari nabi owaraganisiibwe owatebekaniise omuhanda gwa MUKAMA, akabatiza Masiya kandi yamwanjurira abantu “… abantu boona baikirize ahabwe.” (Yohaana 1:7). “Mumanye ngu ogu niwe nabi Isaaya yaagambireho, obu yaagira ati: Eiraka ry`orikugambira omu iahamba ati: Mushemeze omuhanda gwa MUKAMA, mugorore otuhanda twe.” (Matayo 3:3). N`ahabw`ekyo akaba naakirira kimwe ba nabi b`endagaano enkuru.

MUKAMA Akagaruka Yaajurira obuhereza bwe, “kandi ogwo niwe owaahandiikirweho ngu, Reeba, nintuma entumwa yangye, ekubandize; niyo erishemeza omuhanda gwawe…” (Matayo 11:10; Malaki 3:1).

Luka naagira, “Ebiragiro na Baanabi bikaba biriho okuhitsya omu biro bya Yohaana; okuruga obwo enkuru nungi ey`obukama bwa Ruhanga ebuurirwa, kandi omuntu weena abutaahamu n`amaani.” (16:16)

Ahabw`Ekigambo kya MUKAMA Yohaana akaba agira, “Nyowe nimbabatiza n`amaizi ahabw`okweteisa, kwonka orikwija enyima yangye nankiza obushoboorozi; kandi tinshemereire na kumukwatira enkaito; We aryababatiza n`Omwoyo Orikwera n`omuriro.” (Matayo 3:11) Arikuugambaho akagira, “Reeba, Omwana gw`entaama wa Ruhanga!” (Yohaana 1:36).

 Ahabw`Ekigambo kya MUKAMA maraika akaba agambira Zekaria ahabikwatireine na Yohaana Omubatiza omuri Luka 1:16-17, “Baingi omu Baisraeli aryabahindura, abagarure ahari MUKAMA Ruhanga waabo. Aryagyendera omu maisho ga Ruhanga omu mwoyo gwa Eliya n`amaani ge, okuhindura emitima y`abazaire, bakagarukana n`abaana baabo, N`abagomi okubagarura aha bwengye bw`abahikiriire, kandi n`okutebeekanisiza MUKAMA abantu abeeteekateekire.”

Ahabw`okuba ekicweka eky`okubanza eky`okuraganisa kwa Eliya (Malaki 4:5-6), kikiija kyahikirira, kandi akeetwa Eliya. Kwonka tihariho murundi na gumwe obu ekihandiiko kya Eliya kyakozesiibwe ahari Yohaana aha kikwatireine na “izooba rya MUKAMA” erya Malaki 4:5-6. Obuhereza bwe nibworekwa omu kyahandikirwe eky`omuri Malaki 3:1 omu buri kirikugambwaho omu ndagaano entsya, ekiri kukwata aha buhereza bwe.